هزر بكه ل دهمژمێر 9 شهڤ تو یێ ل یاریگهها بهرشهلونه بهرێ خوه ددهیه یاریا دناڤبهرا بهرشهلونه و ریال مهدرید دا ژ خولا ئیسپانیا یا تهپاپێى و پشتى یارى بدیماهیك هاتى ل دهمژمێر 11:45 خولهك تو زڤریه ههولێرێ دا پشكداریێ د وورك شوپهكێ دا بكهیى دبیاڤێ گهشهپێدانا مروڤى دا ل هوتێلا خانزاد ههولێَرێ، لدووڤدا ب نیڤ دهمژمێرێ دێ چى یه ستهمبولێ بوراندنا دهمێن خوش و چهند سوحبهتان دگهل ههڤالێن خوه ل مهیدانا تهقسیم، لدووڤدا ب دهمژمێرهكێ دێ زڤریه مالا خوه ل دهوكێ بهرنامێ كارێ خو یێ سپێدههیا رۆژا لدووڤدا دروست كهیى بهرى دهست ب نڤستنێ بكهیى!!
ڤان ههمى چالاكیان دێ ب جهستهیێ خوه ئهنجامدهیى، ب كێماسى دێ زانى كو تو یێ موژیلى ب ئهنجامدانا وان كاران ڤه ههر وهكى تو ب دروستى یێ دناڤ وان رویدانان دا دهربازدبى!!!!
د دهمهكى دا ته ئهو كارێن ل سهرى دیاركرى ههمى یێن ئهنجامداین و تو ل سهر نڤینێن خو یێن خهوێ یێ درێژكرى ل تاخێ سێ گركا ل پارێزگهها دهوكێ؟!! بتنێ تشتێ كو تو پێدڤى بوئهنجامدانا ڤان كاران ههمیان كولاڤێ میتافێرسه!!, یان ژى بهرچاڤكا میتافێرسه!!
رامانا میتافێرس
میتا د زمانێ لاتینى دا رامان وێ ( ل پشت) و پهیڤا فێرس كورتیا پهیڤا (یونیڤێرس) ه، ئانكو (گهردون) و رامانا پهیڤا میتافێرس ئانكو ( ل پشت گهردونى) ئهو تشتێ لدور گهردونى، ژیانا گهردونى.
میتافێرس دویماهیك ئافراندن و داهێنانا كومپانیا میتا یه یا مارك زوكنبێرگ خودانێ فهیسبوكى دبیاڤێ ئهنترنێت و ئالاڤێن پێگههاندنێ دا، كو دێ گهردونهكێ ئاشوپى دروست كهت بو پێگههاندن و پهیوهندیان دناڤبهرا ههمى مروڤێن جیهانێ دا برێكا ئامیرێ سێ رویى وهكى ئالاڤهكێ جهگر ژ پێش كومپیوتهر و موبایلان ڤه. ل وى دهمى ته پێدڤى ب تیك توكى نابیت، بهرێ خو نادهیه چالاكیێن ئینستگرامى، چ پهیوهندیان ب مهسنجهرى ژى ئهنجام نادهیى، ب تنێ ب جهستهیێ خو دێ دهربازیى سیستهمێ میتافێرس یێ جیهانى بى و ههمى چالاكێن خو دێ ل وێرێ ئهنجامدهیى.
ل وى دهمى تو دشێى ل دگهل ههڤالهكێ خو ل ئیتالیا پشكداریێ د چالاكیهكا موزیكێ دا بكهیى، یان ژى ل ئهلمانیا سهرهدانا ئێك ژ دوست و ههڤالێن خو بكهیى و چایهكێ ل مالا وى ڤهخویى و چهند سوحبهتان بكهیى.
نڤیسین: نێچیرڤان سلێمان
ژێدهر: نێت
Like this:
Like Loading...
