مەسرور بارزانی، سەرۆکێ حکومەتا هەرێما کوردستانێ، ئهڤرۆ چارشهمبى 10-11-2021 پێشوازی ل ئەحمەد ئەمجەد عەلی بالیوزێ پاکستانێ ل عێراقێ کر و د دیدارێدا، بالیوزێ پاکستانێ، سڵاڤ و ڕێزێن سەرکردایەتییا پاکستانێ گههاندنه سەرۆکێ حکومەتێ، و خواستا وهڵاتێ خوه بۆ گهشهپێدانا پەیوەندیێن ههمهجور د گەڵ هەرێما کوردستانێ دەربڕی، ب تایبەتی وارێ وەبەرهێنان و ئاڵوگۆڕییا بازرگانی و بەخشینا سکۆڵەرشیپ (زەمالا خواندن) بۆ قوتابیێن هەرێما کوردستانێ ل زانکۆیێن پاکستانێ.
هەروەسا بالیوزێ پاکستانێ ب پێزانین ڤە ئاماژە ب پێشکەفتن و ئاڤهدانیی و پێگەهێ گرنگێ هەرێما کوردستانێ کر، وەک فاکتەرهکێ ئارامیی و سەقامگیریی ل دهڤهرێ.
ژلایێ خوهڤه سەرۆکێ حکومەتا هەرێما کوردستانێ، جەخت کر ل ئامادەییا هەرێما کوردستانێ، بۆ گهشهپێدانا پەیوەندییان ل گەڵ پاکستانێ، بهحس ل کارنامەیا حکومەتا هەرێما کوردستانێ کر، د وارێ هەمەجورکرنا ئابووری و ژێدهرێن داهاتی و پێشکەشکرنا کارئاسانییا پێدڤى بۆ وەبەرهێنەران.
