د 22 ساڵ چوویى دا و ڕێکەفتی 11/11/1999 پەرلەمانێ كوردستانێ ب بڕیارهكێ ئاڵایێ کوردستانێ، وەک ئاڵایێ فهرمیێ حكومەتا هەرێما كوردستانێ ناساند و پاشان ب بڕیارا ژمارە 48 ل 19/6/2004 بڕیارا دا ڕۆژا 17\ 12ژ ههموو سالهكێ ب ڕۆژا ئالایى دیار بکهت.
مێژوویا ڕۆژا ناڤدێركرنا ئاڵایێ کوردستانێ بۆ سالا 1945 و 35 ڕۆژ بەرى دامەزراندنا کۆمارا کوردستانێ ڤهدەگەڕیتهڤه ل دهمێ داوى دامودەزگههێن حکومەتا پاشایەتی ل مەهابادێ هاتیه لادان و ل سەر شارەوانییا مەهابادێ ئاڵایێ کوردستانێ هاتیه بلند كرن، ژ وى دهمى وهره، ئانكو ل 17- 12وەره ل باشوور و ڕۆژهەڵاتێ کوردستانێ ئاڵایێ کوردستان ب فەرمی د شۆڕشێن کوردى دا هەبوویە.
پاشى ئاڵایێ کوردستانێ، کوژلایێ سەید زادە فاتمە حوسێنی ژنا تێکۆشەرا خەڵکا مەهابادێ، کو ئێكهم کەس بوویە ب دەستی خۆه ئاڵایێ کوردستانێ بهرههڤكرییه، ل ڕێکەفتی 22ی 1ی1946 و ل دهمێ ڕاگەهاندنا کۆمارا کوردستان ب سەرۆکایەتییا پێشەوا قازی محەمەد و ب ئامادەبوونا بارزانیی نەمر ب فەرمی هاته بلندكرن و وەک شکۆ و هێمایێ نەتەوەیی ب فەرمی هاته ناساندن.
پشتى ڕووخاندنا کۆمارا کوردستانێ ب دەستێن دوژمنێن کورد، ئاڵایێ کوردستانێ ژلایێ پێشەوا قازی محەمەدڤه ڕادەستی بارزانیی نەمر هاته كرن و هەتا ئەڤڕۆ د شۆڕشێن باشووری و ڕۆژهەڵاتێ کوردستانێ وەک هێما و سیمبۆلێ نەتەوەیێ کورد هاتییه پاراستن و ب فەرمی دهێته بكارئینان.
پەرلەمانێ كوردستانێ ل ساڵا 1999 ب بڕیارهكێ ئاڵایێ فەرمیێ حكومەتا هەرێما كوردستانێ ناساند و ب بڕیارا ژمارە 48 لە 19/6/2004 بڕیار داویە ڕۆژا 17\12ی ژ هەموو سالهكێ ب ڕۆژا ئاڵا دیار بکهت، بۆ هندێ نهڤیێن داهاتى و گهنجێن ئەڤى وهلاتى بلندییا ئالایى ژبیر نهكهن، ههموو سالهكێ ئالا ل سهر دامودهزگههێن فهرمى دهێته نووكرن.
