وه‌زاره‌تا خواندنا بلند ل ئیراقێ په‌یوه‌ندیێن خوه دگه‌ل سێ زانكۆیێن لوبنانی یێن ئه‌هلی بڕین پشتی ئاشكه‌را بووی كو به‌رپرسێن ئیراقی باوه‌رنامێن خواندنا بلند یێن ساخته ژ وان زانكۆیان د كرن.
به‌ریا چه‌ند رۆژان، بابه‌تێ باوه‌رنامێن ساخته ل ئیراقێ ده‌نگڤه‌دایه، پشتی ئاشكه‌را بووی كو 27 هزار باوه‌رنامێن ماجستێر و دكتورایێ ب به‌رتیل و گه‌نده‌لی ب به‌رپرسێن ئیراقی هاتینه دان.
ل گوره‌ی زانیارییان، تۆره‌كا هه‌ماهه‌نگیێ دناڤبه‌را قوتابییان و زانكۆیێ دا هه‌یه و بهایێ هه‌ر باوه‌رنامه‌كێ ژ 5 تا 10 هزار دۆلارایه.
ژلایێ خوه‌ڤه، وه‌زیرێ خواندنا بلند ل لوبنانێ، عه‌باس ئه‌ل-حه‌لبی راگه‌هاندییه كو قوتابی، زانكۆ و ئه‌وێن هه‌ماهه‌نگی بۆ ڤی كاری كری دێ كه‌ڤنه به‌ر یاسایێ ئه‌گه‌ر ئه‌ڤ تومه‌تێن ئیراقێ راستبن.
