نێچیرڤان بارزانى: ژبلى ئێك قه‌بوولكرنێ و پێكڤه‌ ژیانێ مه‌ چ چاره‌یێن دى‌ نینن

نێچیرڤان بارزانى سەرۆکێ هەرێما کوردستانێ راگه‌هاند، نابێت كورد ژ وه‌لاتێن ده‌ڤه‌رێ بهێته‌ جوداكرن، بەلکو پێدڤییه‌ جهێ وان بهێته‌ كرن، و گۆت، هەرێما کوردستانێ هه‌مى ده‌ما وه‌كو ده‌ستپێشخه‌رێ ئاشتى و ئارامیێ ل ده‌ڤه‌رێ مینیت.

سه‌رۆكێ هه‌رێما كوردستانێ د گۆتارا خوه‌یا كوربه‌ندێ ئاشتی و ئاسایشا رۆژهه‌لاتێ ناڤه‌راست ل دهۆكێ ئاماژه‌ ب هندێ كر، ره‌وشا ئیراقی پشتى هه‌لبژارتنان، پێكڤه‌ژیانا هه‌موو پێكهاتا و رۆلێ هه‌رێما كوردستانی د ئاسایش و ئارامییا ئیراقێ و پێشكێشكرنا خزمه‌تگوزاریێن وه‌لاتیان كر.

سەرۆکێ هەرێما کوردستانێ گۆتژى، ده‌مێ ئیراق سه‌ركه‌ڤیت، ئاسایش و ئارامی دێ هه‌بیت، هه‌موو پێكهاته‌ تێدا بژین و ئێك و دو قه‌بیل بكه‌ن، تا د داهاتیدا ئارامى بۆ هه‌موو مرۆڤاتیێ ل هه‌موو جیهانێ هه‌بیت.گۆت، ژبلى ئێكدوو قه‌بوولكرنێ و پێكڤه‌ ژیانێ مه‌ چ چاره‌یێن دى نینن.