سەرۆک بارزانی پێشوازی ل جنین پلاسخارت كر

سەرۆک مەسعود بارزانی، ئه‌ڤرۆ شه‌مبى 27-11-2021 ل سه‌لاحه‌دین پێشوازی ل جنین پلاسخارت نوونەرا تایبەتا سکرتێرێ گشتیێ رێکخراوێن نەتەوەێن ئێكگرتى ل عێراقێ کر.

د دیدارێدا، کو داوى پێشھاتێن سیاسیێن عێراقێ و ھەڵبژارتنێن جڤاتا نوونەرێن عێراقێ ل ئۆکتۆبەرا بورى هاتنه‌ گۆتوبێژكرن.
ھەر د وێ كۆمبوونێدا سه‌باره‌ت ئەنجامێن ھەڵبژارتنان، سەرۆک بارزانی سوپاسییا بزاڤێن رێکخراوا نەتەوەێن ئێكگرتى و ئێكه‌تییا ئەوروپا و کۆمەڵگەها نێڤدەولەتی بۆ پاڵپشتییا ھەڵبژارتنان كرن، جەخت ل هندێ كرییه‌، کو ھەڵبژارتنێن ئۆکتۆبەرا بوری ل عێراقێ ھەڵبژارتنێن سەرکەفتى و پاقژ بوون، ئه‌و ژى دیاركر، کو ئەو دەرئەنجامێن بەراهیێ ژلایێ کۆمسیۆنێ ڤه‌ هاتینه‌ راگه‌هاندن، ده‌رئه‌نجامێ واقیعێ سیاسیێ عێراقێ و ڤیان و ئیڕادەییا وه‌ڵاتییان بوو، ئه‌و ژى ئاشكرا كر، چێدبیت بزاڤه‌ك ھەبیت بۆ دەستکاریکرنا ئەوان دەرئەنجامان، کو ژلایه‌نێ کۆمسیۆنێ ڤه‌ هاتییه‌ راگه‌هاندن و ب پشت راستى ژیڤه‌ ھەر جۆرە دەستکارییه‌ك دێ  ئاریشێن كوور په‌یدا بن.