سهرۆكێ حكومهتا ههرێما كوردستانێ پهیامهك بهلاڤكر و راگههاند: دهنگ و باسێ شههیدبوونا هژمارهكا پێشمهرگێن قههرهمان ل شهڤا بوورى ل سنوورێ كولهجۆ، ل دهمێ ب ههوارچوونا ههڤسهنگهرێن خوه و شههیدبوون، زور خهمباركرم، ههفخهمیا خوه ئاراستهى بنهمال و كهس و كارێن وان دكهم و داخوازێ ژ خودایێ مهزن دكهم گیانێ وان ل بهههشتێ شادبیت و داخوازا سلامهتیی بۆ برینداران خوازم.
مهسرور بارزانى سهرۆكێ حكومهتا ههرێما كوردستانێ ئاماژه ب هندێ كر، وان چهندین جاران ئاگههدارى لدۆر مهترسییا تیرۆرستێن داعش دایه، كو خوه رێكدئێخن ب تایبهت ل دهڤهرێن كوردستانى یێن دهرڤهى ئیدارا ههرێمێ، مفایى ژ وان بوشایین ئهمنى یێن ل وان دهڤهران ههی وهردگرن و بوینه مهترسییهكا جددى لسهر ئاسایش و ئاكنجیێن دهڤهرێ، ژبهرهندێ پێدڤییه لهز بهێتهكرن بۆ كاراكرنا سهنتهرێن ئێمناهى یێن ههڤپشك دناڤبهرا هێزێن پێشمهرگهى و سوپایێ ئیراقێدا، ب ههماههنگیا هێزێن ههڤپهیمانى یێن ناڤدهولهتى دژى داعش، ژ بۆ هندێ بۆشاییا ئهمنى ل وان دهڤهران پربكهن، بۆ ڤێ مهرهمێ وهزارهتا پێشمهرگهى راسپاردیه كو ئامادهكاریێن زێدهتر بكهن و رێكارێن پێدڤى بگرنهبهر بۆ سنوورداركرن نههێلانا هێرشێن تیرۆرستێن داعش و رێگریكرن ژ وان زیانێن ب هێزێن پێشمهرگهى و خهلكێ دهڤهرێ دگههینن.
