ب سه‌رپه‌رشتییا بێگه‌رد ته‌له‌بانى وه‌زیرا چاندن و ژێده‌رێن ئاڤێ و ب ئاماده‌بوونا سه‌رۆكاتییا په‌رله‌مانى، وه‌زیرێ هه‌رێمێ بۆ كارۆبارێن په‌رله‌مان، لژنا یاسا و چاندنێ ل په‌رله‌مانێ كوردستانێ كۆمبوون، دانوستاندن ل دۆر خواندنا دووێ پرۆژه قانونا سه‌رپه‌رشتیارێن چاندنا هه‌رێما كوردستان – ئیراق.
ئه‌ڤ پرۆژه یاسایه ئێكه ژ پرۆژێن هه‌ره گرنگ و ستراتیژیێن وه‌زاره‌تا چاندنێ و ژێده‌رێن ئاڤێ هاتیه‌دانان، كو ل كابینه‌یا نه‌هێ یا حكومه‌تا هه‌رێمێ ژ ئالییێ وه‌زاره‌تا چاندنێ و ب هه‌ماهه‌نگى لایه‌نێن په‌یوه‌ندیدار كار تێدا هاتییه‌كرن.
بێگه‌رد ته‌له‌بانى، وه‌زیرا چاندن و ژێده‌رێن ئاڤێ راگه‌هاند: دشێن ب رێكا ب كارئێخستنا ئه‌ڤى پرۆژه یاسایه د سێكته‌رێ چاندنێ ده‌رفه‌تا كارى بۆ 5 هزار ده‌رچوویێن كۆلیژ و په‌یمانگه‌هێن چاندن و ڤێته‌رنه‌رى ل هه‌رێما كوردستانێ هاتنه دابینكرن.
