ئهڤ ساله ژمارا تاوانان ل کەمپا هۆلێ ل سنۆرێ باژێرێ حەسەکە ل رۆژئاڤایێ کوردستانێ کو ژمارەكا زۆر یا ژن و زارۆیێن چەکدارێن داعشێ ل خوه دگریت زێده بووینه.
سایتێ “سکای نیوز”، ژمارەكا زۆر یا وان ژنێن ب ئایدۆلۆژیا رێکخراوا تیرۆریستی یا “داعشێ” رازیبووین ل کەمپا هۆلێ دژین، ئەڤ “ئایدۆلۆژیا توندڕەو” دوێ كهمپێ دا ترسا سەرهەلدانا رێکخراوهكا تیرۆریستی یا مەترسیدارتر ژ داعشێ دروست دكهت، چونکی گهلهك ژ وان زارۆیان دناڤا رهوشهكا دژوار یا مرۆڤیدا ژ لایێ دایكێن وان “مهژیێ وان دهێته شووشتن.
ههروهسا رۆژانە ژمارا تاوانان ل کەمپا هۆلێ بەرەف زێدهبوونێ دچن، ب تنێ د ئهڤ ساله دا 154 ئاوارە ل وێ کەمپێ بووینە قوربانی.
نێزیكی 60 هزار كهسان ل وێ کەمپێ دژین، پرانیا وان ژن و زارۆكن ل سووریا و عێراقێ و 50 وهلاتێن دیتر هاتینه، ژ وێ ژمارێ 12 هزار ژن و زارۆكێن چەکدارێن داعشێ نه.
ژیار خەلیل، نڤیسەر و رۆژنامهڤانێ سووری و سەرنڤیسەرێ رۆژناما “لیڤانت” ل لەندەن، دبێژیت: ” زارۆیێن وان خێزانان نوكه دشێن ئۆپەراسیۆنێن تاوانکاری یان تیرۆریستی ئەنجام بدەن، ب تایبەتی ئەوێن مەشقا تەکفیری ژ لایێ دایکێن خوه یێن داعشی ڤه وەردگرن، کو مەترسیدارترین کەسن دناڤا وێ کەمپێ دا“.
