3 هزار 817 كۆچبه‌ر ب حه‌زا خوه‌ ڤه‌گه‌ریاینه‌ ئیراقێ

وه‌زاره‌تا ده‌رڤه‌ یا ئیراقێ راگه‌هاند: هه‌تا نوكه‌ 3 هزار و 817 كۆچبه‌ر ب رێكا 10 گه‌شتێن ئاسمانى ڤه‌گه‌ریاینه‌ هه‌رێما كوردستان و ئیراقێ.

ئه‌حمه‌د سه‌حاف، په‌یڤدارێ وه‌زاره‌تا ده‌رڤه‌یا ئیراقێ راگه‌هاند: د مه‌هه‌كێدا ب رێكا 10 گه‌شتێن ئاسمانى یێن رێكخستى و لدووڤ حه‌زا خوه‌ ئه‌و كوچبه‌ر ڤه‌گه‌ریاینه‌ ئیراق و هه‌رێما كوردستانێ و ئه‌ڤرۆ 258 كۆچبه‌رێن دى دێ زڤرن.

ئه‌حمه‌د سه‌حاف گۆت: هه‌تا نوكه‌ 518 پاسپۆرت داینه‌ وان كۆچبه‌ران یێن پاسپۆرتێن خوه‌ به‌رزه‌كرین بۆ هندێ دا بزڤرنه‌ وه‌لاتى، هه‌تانوكه‌ برێكا بالیۆزخانێن ئیراقێ ل موسكو و وارشو د به‌رده‌وامن ل سه‌ر تۆماركرنا ناڤێن وان كۆچبه‌ران یێن بڤێت ب حه‌زا خوه‌ بزڤرن.