وه‌زیرێ پیشمه‌رگه‌یی: سەنگەرێن پێشمەرگەیی دێ هێنه‌ رێكخستن

وەزیرێ پێشمەرگەیی راگەهاند، بزاڤێن داعشێ ل وان سنووران كێمتر بووینە یێن كو ئۆپەراسیۆنێن پێشمەرگەیی لێ هاتینه‌ ئەنجامدان و چەند لژنەك بۆ رێکخستنا سەنگەرێن پێشمەرگەیی هاتینه‌ پێکئینان.

شۆر‌ش ئیسماعیلی د کۆنگره‌كێ رۆژنامەڤانی دا گۆت: پشتی ئۆپەراسیۆنێن هێزێن پێشمەرگەیی ل گەرمیان، بزاڤێن چەکدارێن داعشێ کێمتر بووینە، هیڤی دکەین ئەو هاریکاری و هەماهەنگییا مه‌ ل گەل سوپایێ عێراقی هەی باشتر لێ بكه‌ین و دەرفەتێ بۆ داعشێ نەهێلین ب حه‌زا خۆ بزاڤان بكه‌ت.

گۆت ژی: مه‌ چەند لژنە دروستکرینە بۆ رێکخستنا سەنگەرێن پێشمەرگەیی، سەره‌دانا مه‌ یا ئەڤرۆ ژی هەر بۆ هندێ بوویه‌ن داكو ژ نێزیك سه‌نگه‌رێن پێشمه‌رگه‌یی ب بینین.