هه‌ڤپه‌یمانییا فه‌تح داخازێ ژ سه‌رۆك وه‌زیرێن ئیراقێ دكه‌ت، به‌لگێن ته‌مام لدور راستیا ده‌ركه‌تنا هێزێن ئه‌مریكا به‌رچاڤبكه‌ت.
ئه‌حمه‌د عه‌بدولحسێن، سه‌ركردێ هه‌ڤپه‌یمانییا فه‌تح ڕاگه‌هاند، پێدڤیه لسه‌ر حكوومه‌تا كازمى به‌لگێن ته‌مام لدور، ده‌ركه‌تنا هێزێن ئه‌مریكا ژ ئیراقێ بۆ لایه‌نان به‌رچاڤبكه‌ت، چونكى ئه‌وا نوكه دهێته دیتن به‌روڤاژى وێ چه‌ندێ یه و هێزێن ئه‌مریكا به‌رده‌وام كاروانێن نوى یێن سه‌ربازى دئینه دناڤ ئیراقێ دا، و ئه‌وا دهێته گوتن ده‌رباره‌ى ده‌رچوونا هێزێن ئه‌مریكا ژ ئیراقێ یا روهن نینه.
ئاماژه ب هندێ ژى كر، مۆله‌تا ده‌ركه‌تنا هێزێن ئه‌مریكا ژ ئیراقێ ب دووماهیك هاتییه، چ ده‌رفه‌تێن دى بو نابن.
ل 31 كانوونا ئێكێ یا ئه‌ڤ ساله حكوومه‌تا ئیراقێ ده‌ركه‌تنا هێزێن شه‌ركه‌ر یێن ئه‌مریكا ڕاگه‌هاند، دوپاتى ل هندێ كر، بتنێ شیره‌تكارێن له‌شكه‌رى یێن وى وه‌لاتى دێ ل ئیراقێ مینن.
