ئەڤرۆ ئێکشەمبی مەسرور بارزانی سەرۆکێ حکومه‌تا هەرێما کوردستانێ، پێشوازی ل مارک برایسن ریچاردسن بالیۆزێ بریتانیا ل عێراقێ کر .
هەردو ئالییان دووپاتی ل گرنگییا پێکئینانا حکومه‌ته‌كێ کرییە کو خزمەتا گشت وه‌لاتییان و پێکهاتێن عێراقێ بکه‌ت و کێشێن هه‌لاویستی دناڤبه‌را هەرێما کوردستانێ و حکومەتا فیدرالی ل سەر بنەمایێ دستووری چارەسەر بکه‌ت.
هه‌روه‌سا گوتۆبێژ دەربارەی بابەتێن کۆچبەران هاتنه کرن و ئاماژە ب گرنگیدان و هەماهەنگییێ دناڤبه‌را دەزگه‌هێن پەیوەندیدار یێن حکومەتا هەرێما کوردستانێ و حکومەتا بریتانیا هاتنه دان، ب تایبەتی د رووبرووبوونا تاوانێن رێکخراو و رێگریکرنێ ل کۆچکرنێ ب ڕێكێن نه یاسایی.
