بۆریه‌كا په‌ترۆلا هه‌رێما كوردستانێ په‌قی

کۆمپانیا بۆتاش یا سەرپەرشتیارا بۆریێن په‌ترۆلێ ل تورکیا ئه‌ڤرۆ راگەهاند، شڤێدى بۆریه‌كا ڤه‌گوهاستنا په‌ترۆلا هه‌رێمێ بۆ توركیا ل پارێزگه‌ها مه‌ره‌ش یا باشوورێ رۆژهه‌لاتا توركیا په‌قییه‌ كو درێژاهییا وێ بۆریێ دگه‌هیته‌ 511 كیلۆمه‌تران.

کۆمپانیا بۆتاش دیاركر: ب ئه‌گه‌رێ روودانێ رێكا هاتنوچوونێ دناڤبه‌را مه‌ره‌ش و عه‌نتاب هاته‌ دائێخستن، هه‌روه‌سا تا نوكه‌ چ زیانێن گیانى نینن و ئه‌گه‌رێ وێ په‌قینێ ژى نه‌هاتییه‌ زانین.