<h2><span style="font-size: 18pt;">ئدریس بارزانی د گەرماتیا روودانێن سیاسی و شۆرەشا بارزان یا دوویێ ل سالا 1944 د مالباتەکا نشتیمانپەروەر و جڤاكپەروەر و ئازادیخواز پەیدابوویە ، ئێك ژ کۆرێن رێبەرێ بابێ دیرۆکی و رۆحیێ نەتەوا کورد بارزانی نەمر بوویە ، د ژیێ دوو سالیێدا دگەل باب و مالباتێ چوینە بن سیبەرا ئێکەم کۆمارا کوردستان (مەهابات) ل رۆژهەلاتێ کوردستانێ و د ژیێ سێ سالیێدا دگەل مامێ خۆ شێخ ئەحمەد بارزانی هاتینە دوورئێخستن بۆ باشوورێ ئیراقێ، د وێ غەریبیێدا چوویە بەر خاندنێ و زیرەکترین قوتابی بوویە نەخاسمە د زمانێ عەرەبیێدا، پشتی ڤەگەڕاندنا بارزانیێ نەمر ل ئێکەتیا سۆفیەتا بەرێ ل سالا 1958 ب باوەشا بابینیێ شادبوویە و ل سالا 1961 بوویە پێشمەرگەهێ شۆڕەشا مەزنا ئیلۆنێ و بن سیبەرا وانە و ڕێنمایی یێن بارزانی نەمر بوویە فەرماندە و سەرکردەکێ شۆرەشگێر و سیاسی و دبلۆماتکارەکێ سەرکەفتی و داهێنەر، ب سەرپەرشتیا وی پێشمەرگەهێن شۆڕەشا ئیلۆنێ چەندین داستانێن بێ وێنە تۆمارکرینە مینا داستانا هندرین.</span></h2> <h2><span style="font-size: 18pt;">روولەکێ سەرەکی و کاریگەر ل دانۆستاندنێن رێکەفتا یازدێ ئادارا سالا 1970 ێ هەبوویە و ب ئەندازیارێ دارشتنا وێ ڕێکەفتنێ دهێتە نیاسین، هەروەسا دانەرێ بهرێ بنیاتێ پەیوەندیێن کوردستانێ دگەل ئەمریکا لسالا 1972 و ب نهێنی سەرەدانا ئەمریکا دکەت و چەندین کۆمبوونا دگەل بەرپرسێن مەزنێن ئەمرکا ساز دکەت و ب ڕەوشت و پێشبینیێن خۆ یێن تایبەت د دیالۆگ و دانۆستاندنان دبیتە جهێ سرنجڕاکێشانا سیاسی و رۆژنامەڤانێن جیهانی .</span></h2> <h2><span style="font-size: 18pt;">پشتی ڕێکكەفتنا خیانەتکاریا جەزائیر، ب لێزانینێن خۆ دشێت هەڵویستێ رژێما ئیرانێ بگۆڕین بۆ ڤەحەواندنا سەدان هزار کوردێن ئاوارە ل ئیرانێ و دابینکرنا پێدڤیێن ژیانێ .</span></h2> <h2><span style="font-size: 18pt;">دگەل سەرۆك مەسعوود بارزانی و ب ڕێنماییێن بارزانی نەمر نەخشێ دەسپێکرنا شۆڕەشا گوڵانا پێشکەفتنخواز دادرێژین و رێکخستنێن پارتایەتی کارا دکەتەڤە ، لناڤەراستا سالێن هەشتێیان دبیتە ئەندازیانێ ئاشتەوایا جڤاکی پشتی چەندین بەرەیان دناڤبەرا پارتیێن کوردستانی درۆست دکەت نەخاسمە بەرەیێ کوردستانی کۆ بوویە ئەگەرێ دارشتن و سەرکەفتنا سەرهەلدانا پیرۆزا ساڵا 1991 ێ .</span></h2> <h2><span style="font-size: 18pt;">هەر وەسا ستۆنا بهێزکرنا ئۆپۆزسیۆنا ئیراقێ و ئێکرێزیا وێ بوویە و ئدریس بارزانی ئەو سیاسی و دبلۆماتکار بوویە کۆ شیای وەکی بزاڤا رزگاریخوازیا کوردستانی ب لێزانی سەرەدەریێ لگەل وەڵاتێن دهوروبهر بکەت.</span></h2> <h2><span style="font-size: 18pt;">ژلایێ دادوەریێ ژی ب سەرکردەکێ نمۆنە دهێتە نیاسین و هەردەم خزمەتکارێ هەژار و بەلەنگازا بوویە .</span></h2> <h2><span style="font-size: 18pt;">مخابن ل رۆژا 31/1/1987 د ژیێ گەنجاتیێدا د ئەركێ خۆ یێ شۆڕەشگێریدا دچیتە بەردلۆڤانیا خودێ مەزن کۆ هێشتا هیڤی و ئارمانجێن خۆ بۆ ئازادی و رزگاریا کورد و کوردستانیا بجهـ نەئینا بوون ، لێ هزرێن وی یێن د بەردەوامن و نامرن .</span></h2> <h2></h2>
