ئه‌ڤرۆ ل سه‌لاحه‌دین سه‌رۆك مه‌سعود بارزانى پێشوازى ل شانده‌كێ وهزارهتا ده‌رڤه یا نه‌مسا كر” كو پێكهاتبوون ژ جیرولد ڤۆلمه‌ر سه‌رۆكێ پشكا رۆژهه‌لاتا ناڤین و باكوورێ ئه‌فریقیا و باشوورێ ئورۆپا یا وهزارهتا ده‌رڤه یا نه‌مسا و ئۆسكار وستینگر بالیۆزێ نه‌مسا ل عیراقێ .
د دیداره‌كێ دا رۆناهى خسته سه‌ر په‌یوه‌ندیێن دیرۆكی و دوستایه‌تى یێن دناڤبه‌را گه‌لێ كوردستانێ و دوستایه‌تیا دناڤبه‌را هه‌ردولایان.
هه‌ر د وێ كۆمبوونێ دا بیروبوچوون سه‌باره‌ت ره‌وشا سیاسیا عیراقێ و پێشهاتێن پشتى هه‌لبژارتنان و پێنگاڤێن دستورى یێن پێكئینانا حكومه‌تا نوى یاعیراقێ گه‌نگه‌شه كرن.
شاندێ مێهڤان سه‌ره‌راى ئاماژه‌دانێ ب گرنگیا سه‌قامگیریا عیراقێ ئه‌و ژى به‌رچاڤكر” كو هه‌لبژارتنێن ڤێ دووماهیێ یێن جڤاتا نوونه‌رێن عیراقێ هه‌لبژاتنه‌كا نمونه‌یی بوو. د لایه‌كێ دی یێ كۆمبوونێ دا رو‌ودانێن ڤێ دووماهیێ ل سووریا و گه‌فێن تیرۆرێ وهزرا توندره‌وى ل سه‌ر ئاسایشا جیهانی و ده‌ڤه‌رێ گه‌نگه‌شه كرن وئه‌و ژى دووپاتكر كو بۆ روو ب روو بوون و بنبركرنا تیرۆرێ پێدڤى ب بزاڤه‌كا هه‌مه‌لایه‌نى یا جیهانی هه‌یه.
