رێكخستنا پزیشكى یا داد ل ئیرانێ راگه‌هاند، رێژا خه‌له‌تییێن پزیشكى ل سالا بوورى به‌راورد ب سالا 2020ێ ب رێژا 12 ژ سه‌دێ بلندبوویه.
ل گوره‌ى راپۆرته‌كا رێكخستنا پزیشكى یا داد ل ئیرانێ، ل سالا بوورى 8 هزار و 850 دۆسه‌یێن خه‌له‌تییێن پزیشكى تۆماركرینه ل وى وه‌لاتى هاتینه تۆماركرن. ژ وان 4 هزار و 124 پزیشكان سزا ب سه‌ردا هاتینه سه‌پاندن و 4 هزار و 726 دۆسه‌یان ژى لێبورین بۆ ده‌ركه‌تییه.
د وێ راپۆرتێ دا هاتییه، زوربه‌یا وان دۆسه‌یان خه‌له‌تییێن پزیشكێن ددانان، نشته‌گه‌رییا گشتى و پزیشكییا ژنان و په‌رستارى بوون.
سه‌ره‌راى خه‌له‌تییێن پزیشكان، گه‌له‌ك جاران ده‌رمان ب خه‌له‌تى بۆ نه‌خوه‌شان ژلایێ نوژداران ڤه دهێنه نڤیسین. ل گوره‌ى ئاماره‌كا رێكخستنا جیهانى یا پزیشكێن ئاشتى و ساخله‌مییێ، سالانه ل ئیرانێ 45 هزار كه‌سان ب ئه‌گه‌رێ خه‌له‌تییێن ده‌رمانان زیان دگه‌هیتێ و ژ وێ هه‌ژمارێ 3 هزار كه‌س ژیانا خوه ژده‌ست دده‌ن.
