<h2>سهرۆكا سهندیكا هونهرمهندێن كوردستانێ تایێ دهۆك راگههاند، گهلهك هۆنهرمهندێن شنگالێ ئهندامێن سهندیكایێ نه، لێ مهرجێ ئهندامبوونێ د سهندیكایێ دا ئهوه كۆ هونهرمهند خوهجهێ دهۆكێ بیت. ئهڤین حسێن، سهرۆكا سهندیكا هونهرمهندێن كوردستانێ تایێ دهۆك بۆ ئاژانسا خانى گۆت: سهندیكا هۆنهرمهندان پهیرهوهكێ تایبهت ههیه، و ل گورهى وى پهیرهوى هۆنهرمهند دشێن ببنه ئهندامێن سهندیكایێ. گۆت ژى: ئێك ژ مهرجێن ئهندامبوونێ پێدڤییه هۆنهرمهند خوهجهێ باژێرێ دهۆكێ بیت، ژبهركۆ ئهندامێن چ دهڤهران ل دهڤهرهكا دى ناهێنه وهگرتن. ژبهركۆ ئهنجومهن داخوازا بهلگهنامان ژمه دكهت. ئهو بهلگهنامه دهێنه رهوانهكرن بۆ ههولێرێ و لیژنهك پێداچوونێ بۆ دكهت و بریارێ ل سهر ددهت. و ئهگهر بهلگهنامه ل دیف پهیرهوێ سهندیكایێ نهبیت، داخواز دهێه رهدكرن حسین دیار ژى كر، پێشتر وان نڤیسارهك ئاراستهى ئهنجومهنى كرییه و تێدا داخوازكرییه كۆ سهندیكایێ نوینهرێ خوه دناڤ هۆنهرمهندێن شنگالێ دا ههبیت بۆ ههمى كارێن هونهرى و چالاكییان و ئهندامهتییێ ب سهندیكایێ ڤه بهێنه گرێدان. لێ ههتا نوكه ئهنجومهنى رازیبوون ل سهر نڤیسارا وان نهدایه ودوپاتكر ههر گاڤا رازیبوون هات ئێكسهر دێ پهیوهندى ب وان هێتهكرن ول گورهى وان رێنمایێن ئهنجومهن ددهته وان دێ سهرهدهرى دگهل هێتهكرن.</h2>
