ب ئامادەبوونا د.سامان بەرزنجی وەزیرێ ساخلەمیێ و د.رەهێل فریدون بریکارێ وەزارەتێ و د. ئەفراسیاب موسا، رێڤەبەرێ گشتیێ ساخلەمیا دهۆکێ و قەیمقامێن ئاکرێ و بەردەڕەش، ل هۆلا کونفرانسان ل ئاکرێ سالیادا ئێکێ یا سەندیکا کارمەندێن ساخلەمیێ هاتەساخکرن.
سەرۆکێ لقا ئاکرێ د پەیڤەکێدا رۆلێ کارمەندێن ساخلەمیێ گرنگ نرخاند و داخازکر گرێبەست بۆ کارمەندێن ساخلەمیێ یێن خۆبەخش بهێنە دروستکرن.
د.سامان بەرزنجی، وەزیرێ ساخلهمیێ د پەیڤەکێدا دیارکر؛ کارمەندێن ساخلەمیێ تویژەکا گرنگن دناڤ کەرتێ ساخلەمیێ و رێڤەبەریا گشتی یا ساخلەمیا دهۆکێ پروگرامەکێ سێ سالی بۆ پێشڤەبرنا شیانێن کارمەندێن ساخلەمیێ هەیە، کا چاوا بۆ مە گرنگە سیستەمێ ساخلەمیێ چاکبکەین وەسان پێدڤییە چاککرنا کارمەندێن ساخلەمیێ ژی بهێتەکرن.
د.سامان بەرزنجی سۆپاسیا کارمەندێن ساخلەمیێ کر كو وەکو سەربازێن بەرزەکارکریە ژ شەرێ تیرورستێن داعش و هاتنا ئاوارە و پەنابەران و هەتا کۆڕۆنایێ ب مەرەما خزمەتکرنێ بۆ وهلاتیان.
