رێڤەبەریا گشتیا باژێرڤانیان ل پارێزگهها دهۆکێ بۆ جارا ئێکێ ب شێوەیێ تێست بۆکس ل سەر حەوزێن وەرگرتنى داناینە، بۆ هندێ ئاریشێن گلێشی و پەنگینا سۆلینان ب شێوەیەكێ بەرچاڤ كێم ببيت.
ئەندازیار دیار سادق، بەرپرسێ پشکا ژینگەهێ ل رێڤهبهریا گشتیا باژێرڤانیان دیارکر، ئەڤ هزرە نها وەکۆ تێست دهێتەکرن کا دێ هەتا چ ڕادە یێ سەرکەفتی بیت، نها ل سنوورێ چەندین باژێرڤانیێن سەرب رێڤەبەریا گشتی ڤە هاتینە دانان، ئەگەر دانانا وان سەرکەفتن ئینا، دێ بیتە پڕۆژە و ل هەمی جهان هێنە دانان.
خۆیانی کر، بیرۆکا ڤێ یا رێڤەبەریا گشتیا باژێرڤانیانە، ژ بۆ هندێ تەمەنێ سۆلینان درێژتر لێ بهێن و نەهێنە پەنگاندن هەروەسا کارێ سەخبێری و پاقژکرنا ئاڤرێژان گەلەک ب ساناهیتر لێ بهێت و بتايبه ت دەمێ باران و ل وان جهان كو ب شێوەیەکێ زۆر باران دباريت، ژينگه پارێزێن كومكرن و ڤەگوهاستنا گلێشى ل باژێرڤانيا دشێن وان بۆکسان (سندوقا) بینە دەر ژ گلێشی پاقژبکەن و دانه ڤە، دا کو ئاریشە و مەترسيێن لەهیان کێمتر لێ بهێن و سولين كارێ خوه باشتر بكەن و نەهێنه گرتن.
Like this:
Like Loading...
