ئه‌ڤرۆ رۆژا پێنجشه‌مبى 17/2/2022 ل سه‌لاحه‌دین سه‌رۆك مه‌سعود بارزانى پێشوازى ل ماوریزیۆ گرێگانتی ، بالیۆزێ وه‌لاتێ ئیتالیا ل عیراقێ كر.
ددیدارا خوه دا كۆ میشێل کامیرۆتا، كۆنسۆلێ ئیتالیا ل هه‌ولێرێ ژى ئاماده‌بوو، ره‌وشا عیراقێ و ده‌ڤه‌رێ و پێنگاڤێن ده‌ستوورى یێن پشتى روینشتنا ئێكێ یا جڤاتا نوینه‌رێن عیراقێ و بریارێن دادگه‌ها بلند یا عیراقێ هاتنه گۆتۆبێژكرن.
بالیۆزێ ئیتالیا ل عیراقێ سۆپاسییا قۆربانیدانا هێزێن پێشمه‌رگه‌ى ل شه‌رێ تیرۆرستێن داعشێ هه‌بوویه و دۆپاتى ژى ل وێ چه‌ندێ كر كۆ ئیتالیا دگه‌ل هه‌ڤپه‌یمانان دێ ل سه‌ر پشته‌ڤانییا پێشمه‌رگه‌ى و هێزێن عیراقێ یا به‌رده‌وام بیت.
هه‌روه‌سا ئاماژه ب په‌یوه‌ندییێن دیرۆكى یێن دناڤبه‌را هه‌ردوولایان دا هاته‌دان و دۆپاتى ژى ل پێشڤه‌برنا دۆستایه‌تێیێ دناڤبه‌را گه‌لێ كوردستانێ و گه‌لێ ئیتالیا دا و په‌یوه‌ندییێن هه‌ردوولا هاته‌كرن.
