<h2><span style="font-size: 18pt;">ئاژانسا خانى: تایبهت</span></h2> <h2><span style="font-size: 18pt;">رێڤهبهرێ گشتى یێ كار و دهستهبهرا كۆمهلایهتى راگههاند، پێدڤییه ل سهر خۆدان كار و پرۆژان كرێكارێن نافخۆ بدهته كارى.</span></h2> <h2><span style="font-size: 18pt;">دكتۆر عارف حیتۆ، رێڤهبهرێ گشتى یێ كار و دهستهبهرا گۆت: كرێكارێن بیانى یێن فهرمى ب رێیا وهزارهتا كاروبارێن كۆمهلایهتى دهێنه ههریمێ، ئهوێن ب ڤێ رێكێ نههێن و مۆلهتا كارى ژ وهزارهتا كار وهرنهگریت كارێ قاچاخ دكهن. </span> <span style="font-size: 18pt;">گۆت ژى: ئهوێن ب رێیا كۆمپانیهكێ یان پرۆژهیهكى هاتین ل دهمێ ب دۆماهى هاتنا گرێبهستا وى دشێت بزڤریته وهلاتێ خوه و پێدڤییه خودانێن كۆمپانیا بهرپرسیا وى ههلگریت. </span> <span style="font-size: 18pt;">دیار ژى كر، ئهو كرێكارێن رێكخراوێن كومهلگهها مهدهنى دئینن پرانیا وان ب قاچاخ دهێن و پهیوهندى ب وهزارهتا كار ڤه نینه، و ژمارا وان ژى ناهێته زانین، و ل دهمێ ههبوونا لێپێچینهكا یاسایى دێ ب سهرپێچكار هێنه ههژمارتن و وهزارهتا كار چ بۆدجه بۆ ڤهگهراندنا وان بۆ وهلاتێن وان نینه، چنكۆ سهرپێچییا یاسایێ كرییه.</span> <span style="font-size: 18pt;">ودیاركر ئهگهر دوڤچوونا وان رێكخراوان بهێتهكرن، دێ رێكار ل بهرامبهر وان هێنهگرتن و رووبروو یاسایێ بن. </span> <span style="font-size: 18pt;">دهربارهى ههژمارا كرێكارێن بیانى ناڤهاتى گۆت: پار نێزیكى 8 هزار كرێكاران هاتینه ههریمێ و پرانیا وان كۆ نێزیكى 98 % یه خزمهتكارێن ناڤ مالێ نه. </span> <span style="font-size: 18pt;">دازانین كو ئینانا ئهڤان كرێكارێن پرۆژان دهرڤهتێن كاری بۆ كرێكارێن نافخۆ قورخكرییه، لێ خزمهتكارێن ناڤ مالان كارئاسانى بۆ دهێنهكرن چونكه ل كوردستانێ كهس وى كارى ناكهت. </span> <span style="font-size: 18pt;">دیار ژى كر، وان ل سهر خودان كاران كرییه بریار كۆ كرێكارێ بیانى 2 كرێكارێن نافخۆیى فێربكهته كارێ خوه. </span> <span style="font-size: 18pt;">دیسان داخویاكرن كو ل دهمێ بهلاڤكرنا دهلیڤێن كارى ژى ئهو دهرفهتێ ددهنه وان یێن خوه ل وهزارهتێ تۆماركرین.</span></h2>
