نێچيرڤان بارزانى، سهرۆكێ ههرێما كوردستانێ ئهڤرۆ 1/3/2022 پێشوازى ل جەنەرال کیس فلپس، بەرپرسێ بلندێ لهشكهرى و بەرپرسێ نڤێسینگهها هاریکاریێن ئێمناهیا ئەمریکى ل عیراقێ كر.
نێچيرڤان بارزانى و جەنەرال کیس فلپس، د كۆمبوونێدا دوماهى پێشهاتێن ئێمناهییا عيراقێ، بهرهنگاربوونا هێرش و مهترسیێن داعش، پێنگاڤێن پرۆسا چاكسازیێ ل وهزارهتا پێشمهرگهى، دوماهى پێشهاتێن شهرێ ئۆكرانیا و رهوشا كهمپێن ئهلهۆل ل سووریا گۆتۆبێژكرن و دووپات ل گرنگیا هاريكارى و ههماههنگيیا دناڤبهرا پێشمهرگه و سوپاىێ عيراقێ كر، ب تايبهت ل دهڤهرێن بۆشاييا ئێمناهیى تێدا.
ههردوولا د ههڤرابوون لسهر گرنگيا ئێكگرتنا پێشمهرگهى و بهردهوام پشتهڤانیا ئهمریكیا بۆ پرۆسێ و پێشكێشكرنا مهشق و ڕاهێنانێ بۆ پێشمهرگهى ب پێدڤى زانى، شاندێ ناڤبرى سوپاسیا ڕۆلێ سهرۆك نێچيرڤان بارزانى د پرۆسا چاكسازیا و ئێكگرتنا پێشمهرگهیدا كر.
