پهیڤدارێ وهزارهتا دهرڤه یا ئهمریكا راگههاند، وان ڤهكۆلین ل دۆر هێرشا مووشهكى یا سۆپایێ پاسدارێن ئیرانێ بۆ سهر ههولێرێ دهستپێكرییه.
نید پرایس، پهیڤدارێ وهزارهتا دهرڤه یا ئهمریكا د پرێس كۆنفرانسهكى دا راگههاند، ژ نێزیكڤه دگهل عیراقێ و ههڤپهیمانێن خۆه یێن دى ل دهڤهرێ كار دكهن ژبۆ دیاركرنا بهرپرسێن هێرشا مووشهكى یا سهر ههولێرێ و ڤهكۆلین ژى ل دۆر بابهتى دهستپێكرییه.
دیار ژى كرییه، ئهنتۆنى بلینك، وهزیرێ دهرڤه یێ ئهمریكا دگهل ههر ئێك ژ مستهفا كازمى، سهرۆك وهزیرێن عیراقێ و مهسرور بارزانى، سهرۆكێ حكومهتا ههرێما كوردستانێ ئاخفتییه و تۆرهیی و نیگهرانییا خۆه بهرامبهر وێ هێرشێ ب وان راگههاندییه و داخواز كرییه لهز ل پێكئینانا حكومهتا نوى یا عیراقێ بهێتهكرن.
نید پرایس گۆتییه ژى، ئیران بوویه گهفهكا مهزن ل سهر ههڤپهیمانان ل دهڤهرێ و پشتهڤانییا میلیشیایان و تیرۆرستان ل دهڤهرێ دكهت و هێرشێن ئهلكترۆنى ئهنجامددهت.
رۆژا ئێكشهمبى ( 13/3/2022 ) ب 12 مووشهكان هێرش ل سهر كۆنسولخانا ئهمریكا ل ههولێرێ هاتهكرن. دژه تیرۆرا ههرێمێ د بهیانهكێ دا راگههاند ئهو مووشهك ژ رۆژههلاتى بهرهڤ ههرێمێ هاتینه ئاراستهكرن و ههر د ههمان رۆژ دا میدیایێن سهر ب سۆپایێ پاسدارێن ئیرانێ بهرپرسیارهتییا وێ هێرشێ ئێخسته ستۆیێ پاسداران.
