ئه‌ڤرۆ سێشه‌مبی” سه‌رۆك مه‌سعود بارزانى ل سه‌لاحه‌دین پێشوازى ل ڤیلى ڤارجولا بالیۆزێ ئێكه‌تییا ئورۆپا ل عیراقێ كر .
د دیداره‌كێ دا بالیوزێ ئێكه‌تییا ئورۆپا ل عیراقێ دلگرانیا خۆ به‌رامبه‌ر هێرشا مووشه‌كى یا ل سه‌ر باژێرێ هه‌ولێرێ دیار كر كو ل سپێده‌هیا ئێكشه‌مبی ب 12 مووشه‌كێن بالیستى هێرش ل سه‌ر چه‌ند ده‌ڤه‌ره‌كێن پارێزگه‌هێ هه‌ولێرێ هاتییه كرن و گو‌ت: سه‌قامگیریا هه‌رێما كوردستانێ و عیراقێ لده‌ف ئێكه‌تییا ئورۆپا یا گرنگه.
د وێ دیدارێ دا بالیۆزێ ئێكه‌تییا ئورۆپا سوپاسى بۆ رۆلێ بارزانى یێ نه‌مر د خه‌باتا گه‌لێ كوردستانێ هه‌بوون و سه‌ره‌رایى دووپاتكرنێ ل دوستایه‌تییا دناڤبه‌را گه‌لێ كوردستانێ و ئێكه‌تییا ئورۆپا.
هه‌روه‌سا د دیدارێ دا ره‌وشا سیاسییا عیراقێ و پێنگاڤێن ده‌ستورى یێن پێكئینانا حكومه‌تا نوو یا عیراقێ گه‌نگه‌شه كرن و بیروبۆچوون سه‌باره‌ت ئه‌گه‌ر و ئه‌نجامێن هێرشا مووشه‌كى یا لسه‌ر هه‌ولێرێ و بزاڤ بۆ تێكدانا سه‌قامگیریێ گه‌نگه‌شه كرن. گه‌فێن تیرۆرێ و چاره‌سه‌ركرنا ئه‌گه‌رێن كوچكرنێ ته‌وه‌ره‌كێ دی یێ وێ كۆمبوونێ بوون.
