<h3><span style="font-size: 24pt;">بریاره ئهڤرۆ پهرلهمانێ عیراقێ ل دۆر هێرشێن مووشهكى یێن ههولێرێ كۆم بیت و وهزیرێ نافخۆ یێ حكومهتا ههرێما كوردستانی ژى ل كۆمبوونێ ئامادهبیت.</span></h3> <h3><span style="font-size: 24pt;">ئهڤرۆ رۆژا پینج شهمبى ( 17/3/2022 ) ئهو لیژنا كۆ سهرۆكاتییا پهرلهمانێ عیراقێ بۆ ڤهكۆلینان ل دۆر روودانا مووشهكبارانكرنا ههولێرێ پێكئیناى كۆم ببیت و دكۆمبوونێ دا سهرۆكێن ههموو فراكسیۆنان ژى ئاماده ببن.</span> <span style="font-size: 24pt;">د كۆمبوونێ دا رێبهر ئهحمهد، وهزیرێ نافخۆ یێ حكومهتا ههرێما كوردستانێ دێ ئامادهبیت و راپۆرتهكێ ل دۆر هێرشێ دهته پهرلهمانى، و بریاره بهرپرسێن ئهمنى و سهربازى یێن حكومهتا عیراقێ ژى ئامادهببن و پرسیارا وێ یهكێ ژێ بهێتهكرن بوچى ئاگههدارییێن پێشوهخت نهبوون. </span> <span style="font-size: 24pt;">دهێته زانین ئهو هێرشا مووشهكى شهڤا 12-13/3/2022 یا سهر ههولێرێ هاتیه كرن كارڤهدانێن مهزن ل سهر ئاستێ ههرێمێ و عیراقێ و جیهانێ ل دویڤ خۆه ئینان، پشتى هێرشێ مستهفا كازمى سهرۆك وهزیرێن عیراقێ گههشته ههولێرێ و ئهو هێرشه ب دهستدرێژى بۆ سهر سهروهرییا عیراقێ ب ناڤكر و پهرلهمانێ عیراقێ ژى شاندهك هنارته ههولێرێ و بریار دا ڤهكۆلینان ل سهر هێرشێ بكهن.</span></h3>
