خێری عەلی، بەرپرسێ رێکخراوا ئێزدی یا دیکۆمینتاری بۆ ئاژانسا خانی گۆت، ئەڤرۆ رێکەفتی 24ی ئادارێ ل شنگالێ گۆرەکا دی یا بکۆم هاتە دیتن و ئەو ژی دزڤرێت بۆ سەردەمێ داعش دەمێ ل سێ تەباخا سالا 2014ێ و هێرشا وان بۆ سەر شنگالێ.
گۆت ژی، بەردەوام گۆرێن بکۆم ل قەزا شنگالێ دهێنە دیتن و ژمارا وان بەرەڤ زێدەبوونێیە، و ئەڤ گۆرا د ئەڤرۆ هاتییە دیتن ل گوندێ هەمەدانا ل باکووری چیایێ شنگالێ یە و رەنگە رووفاتێن پتر ژ پێنچ کەسان دناڤ ڤێ گۆرێدا هەبن و هەموو ژی خەلکێ سڤیلێ ئێزدی نە.
