٣ی نیسانێ دوماھی ژڤانە بۆ دیارکرنا سەرۆک کۆماری

بڕیارە رۆژا شەمبیا داھاتی 26 ئادارێ جڤاتا نوینورێن عێراقێ بۆ دیارکرنا سەرۆک کۆمارێ عێراقێ کۆمببیت و پەرلەمانتارەکا پارتی ژی ئاشکراکر، ل گورەی دستووری ھەتا ٣ی نیسانێ دەلیڤە ھەیە لدۆر پۆستێ سەرۆک کۆماری لایەنێن سیاسی بگەھنە رێکەفتنێ.
یادگار مەحموود، پەرلەمانتارا فڕاکسیۆنا پارتی ل جڤاتا نوینورێن عێراقێ بۆ ئاژانسا خانی دیارکر” بەری نوکە ھەرسێ لایەنێن ھەڤپەیمان پارتی و سیادە و سەدر کۆمبووینە و ئێکلابوویە دێ ھەرسێ لایەن پێکڤە دەنگی دەنە بەربژێرێ پارتی بۆ پۆستێ سەرۆک کۆمارێ عێراقێ، وھەتا ٣ی ھەیڤا نیسانێ دوماھی ژڤانە بۆ ھەلبژارتنا سەرۆک کۆماری ئەڤە ل گورەی رێکارێن دستووری، لەوڕا ھەتا ٣ی نیسانێ دەلیڤە ھەیە بۆ لایەنێن سیاسی بگەھنە رێکەفتنێ.
دیسان مەحموود گۆت: دانوسستان د بەردەوامن و ئەگەر ھەنە، ھەتا دگەھینە ٣ی نیسانێ گۆھۆڕین بھێنەکرن، کۆمبوونێن پارتی و لایەنێن عێراقی دێ بەردەوامی ھەبیت، ھەتا نوکە بەربژێرێ پارتی رێبەر ئەحمەدە و بەربژێرێ ئێکەتیێ ژی بەرھەم ئەحمەد سالحە.