وه‌زیرێن داد یێن مه‌غرب و عیراقێ ل سه‌ر راده‌ستكرنا وان داعشێن مه‌غربى یێن ل عیراقێ زیندانكرى رێكه‌فتن.
ئاژانسا هسپرێس یا مه‌غربى به‌لاڤكرییه، دوهى ل ریباتا پایته‌ختێ مه‌غرب كۆمبوونه‌ك دناڤبه‌را عه‌بدوله‌تیف وه‌هبى، وه‌زیرێ داد یێ مه‌غربێ و سالار عه‌بدولستار، هه‌ڤكیفێ وى یێ عیراقى دا هاته‌كرن، و د كۆمبوونێ دا هه‌ردوولا ل سه‌ر راده‌ستكرنا وان وه‌لاتییێن مه‌غربى رێكه‌فتن كۆ نوكه ل عیراقێ د زیندانكرى نه.
پشتى ب دوماهى هاتنا كۆمبوونێ، وه‌زیرێ داد یێ مه‌غرب ب میدیایێن وه‌لاتێ خۆه راگه‌هاند، ل ده‌مه‌كێ نێزیك ئه‌و دێ سه‌ره‌دانا به‌غدا كه‌ت ب مه‌به‌ستا ئیمزاكرنا رێكه‌فتنا ئازادكرنا وان وه‌لاتییێن وه‌لاتێ وى كۆ ب تیرۆرێ تۆمه‌تبارن و نوكه د زیندانێن وه‌لاتێ عیراقێ دا نه.
ب گوره‌ى ئامارێن حكومه‌تا مه‌غرب، 10 وه‌لاتییێن مه‌غربى كۆ دوو ژ وان ژنن ب تۆمه‌تا ئه‌ندامه‌تییا دگه‌ل گورۆپێن تیرۆرستى ژلایێ هێزێن ئه‌منى یێن عیراقێ ڤه هاتینه ده‌سته‌سه‌ركرن.
