سەرۆکی ژوورا بازرگانیا دھۆکێ : بازرگانێن مه‌ بهایێ كه‌لۆپه‌لان گران نه‌كریه‌

سەرۆکی ژوورا بازرگانیا دھۆکێ ڕاگەهاند، ژ ئه‌گه‌رێ شەرێ داعش و هاتنا ڤایرۆسێ کۆرۆنایێ، پەیوەندیێن بازرگانی دناڤبه‌را ھەرێما کوردستان و تورکیا داكه‌فتبوون، به‌لێ د 3 مه‌هێن بوورى یێن ئه‌ڤ ساله‌دا ب شێوه‌كێ به‌رچاڤ بلندبوویه‌.
ئەیاد حەسەن، سەرۆکی ژوورا بازرگانى و پیشه‌سازیا دھۆکێ بۆ ئاژانسا خانى ڕاگەهاند: شه‌رێ ئوكرانیا كارتێكرن ل سنوورێ توركیا نه‌كرییه‌ ژبه‌ركو توركیا پیشه‌سازییا خۆ هه‌یه‌ بتنێ كارتێكرن ل وان كارگه‌هان كرییه‌ یێن ماددێ سه‌ره‌كى ژ ئۆكرانیا و رووسیا دئینینن، دیسان داخویاكرن كو بازرگانێن دهوكێ ئه‌ڤ شه‌رێ ل ئوكرانیا رویدای‌ ب ده‌لیڤه‌ نه‌دیتیه‌ بهایێ كه‌لۆپه‌لان گران بكه‌ن.
ئەیاد حەسەن زێده‌تر گۆت: د كۆمبوونا رۆژا پێنجشه‌مبى دناڤبه‌را شاندێ هه‌رێما كوردستانێ و سه‌رۆكێ ژوورا بازرگانیا ئامه‌دێ، پارێزگارێ هه‌لێرێ پێشنیاره‌ك دابوو پارێزگارێ ئامه‌دێ كو هێله‌كا ئه‌سمانى دناڤبه‌را فرۆكخانا هه‌ولێر و ئامه‌دێ چێبیت بۆ هندێ ئاسانكارى دناڤبه‌را بازرگانان بهێته‌كرن، هه‌روه‌سا كه‌رتێ گه‌شتوگوزارى ژى مفاداربن.