کازمی: ئه‌و هێزا بەرپرس ژ پاراستنا بارەگایێ پارتی ل بەغدا تەماشه‌کەر بوون

سەرۆکوەزیرێن عیراقێ د سەره‌دانا خوه‌ دا بۆ وەزارەتا ناڤخۆ یا عیراقێ  راگەهاند، ل ده‌مێ سۆتنا بارەگایێ لقێ 5 یێ پارتی دیموکراتی کوردستان ل بەغدا ئەو هێزا بەرپرس ژ پاراستنێ” به‌رێ خوه‌ دایه‌ وێ روودانێ، ئەڤە یا قه‌بوولكری نینه‌ و دێ لێپرسین ل گەلدا هێته‌ كرن“.

ئه‌ڤرۆ ئێکشەمبی، 3 ی نیسانا 2022 ێ” مستەفا کازمی، سەرۆکوەزیرێن عیراقی د ده‌مێ سەره‌دانا خوه‌ دا بۆ وەزارەتا ناڤخۆ یا عیراقێ و کۆمبوون ل گەل بەرپرسێن وێ وەزارەتێ راگەهاند، “ئەوا ل حه‌فتییا بوری روودایی ژ سۆتنا بارەگایەکێ حزبی د ده‌مه‌كی دا ئەو هێزه‌ یا بەرپرس بوو ژ ئەرکێ پاراستنا وی جهی، یا تەماشه‌کار بوویە” ئەڤه‌ کاره‌كێ قه‌بوولکری نینە و دێ رووبروو لێپرسینێ بن، د هەمان ده‌مدا پێدڤییە ل سەر بازنێن بەرپرس ب شێوەكێ دروست ل گەل زانیارییان دا مامەلێ بکەن”.

كازمی گۆت ژی، “پێدڤییه‌ وێ بۆشایێ دیار بکەین و شەرمێ ژێ نەکەین د ئاشکرا کرن و چارەکرنێ دا، وەکو چاوا مرۆڤێ نەخۆش دچیتە ده‌ف نۆشداری بۆ چارەسەریێ، د هەمان ده‌مدا سازی و دەزگه‌هێن مه‌ پێدڤی‌ ب هندێ هه‌یه‌ ب ئه‌ركێن خوه‌ رابن و لێپرسین و سزادان د هەر خه‌مسارییه‌كێ دا هه‌بیت.

سه‌رۆكوه‌زیرێن عیراقێ گۆت ژی، “مللەتێ مه‌ پشتی سالا 2003 ێ ” چاڤه‌رێی سەردەمه‌كێ نوو دكر ل سەر سەقامگیرییا ئەمنی و ئابووری و جڤاكی بهێته‌ دانان، بەلێ ره‌وشا ناڤخۆیی و ده‌رڤه‌ وه‌كر كو عیراق د قووناغا ژ دەستدانا هێزا مرۆڤی و ئابووری دا ده‌رباز ببیت.