د دهمهكى دا كۆ زۆربهیا خهلكێ وێ د ههژارن، عیراق بوویه جهێ پهیداكرنا دهلیڤێن كارى بۆ خهلكێ لوبنانێ كۆ ژ رهوشا دژوار یا ئابوورى ژ وهلاتێ خۆه دهردكهڤن.
ئاژانسا فرانس پرێس دیاركرییه، د نوكه دا وهلاتێ لوبنان د قهیرانهكا دارایى یا كێم وێنه دایه، بهیرۆت د خراپترین قهیران دایه و بهایێ پارێ وان بهرامبهر دولارى 90 ژ سهدێ بهایێ خۆه ژدهست دایه.
ههروهسا ل گورهى راپۆرتهكا یۆ ئێن، نێزیكى 80 ژ سهدێ یا خهلكێ لوبنانێ د ههژارییێ دا دژین.
فرانس پرێس دیار ژى كرییه، دناڤبهرا خزهیرانا سالا 2021ێ تا شوباتا 2022ێ، پترى 20 هزار لوبنانیان گههشتینه عیراقێ و پتریا وان د كهرتێ گهشت وگوزارى و ریستۆرانتان دا كاردكهن. زێدهبارى وێ یهكێ ب دههان نۆژدارێن لوبنانى ژى ل نهخۆشخانێن عیراقێ خزمهتا خۆه دكهن.
