دابەشکرنا بەنزینێ ب بهایێ 690 دیناران ل سه‌ر وه‌لاتییان یا بەردەوامە

فەرمانگەها میدیا و زانیاری یا حكومه‌تا هه‌رێما كوردستانێ راگه‌هاند، دابەشکرنا بەنزینێ ب بهایێ 690 دیناران ل سەر وه‌لاتیان یا بەردەوامە و هه‌تا نوكه‌ نێزیكی 18 ملیۆن لیترێن به‌نزینێ ب وی بهایی دابه‌ش كرینه‌.

هه‌روه‌سا گۆتییه‌: پشتی رێكکەفتنا دناڤبه‌را حکومەتا هەرێما کوردستانێ و حکومەتا فیدرال بۆ هنارتنا بەنزینێ بۆ هەرێما کوردستانێ و دابەشکرنا وێ ل سەر وه‌لاتیان ب بهایێ 690 دیناران دهێته‌ دابه‌شكرن.

ئه‌و ژی گۆتییه‌، ل رێکكەفتی 28 ی ته‌باخا 2021 ێ هه‌تا 6 ی نیسانا 2022 ێ ب كوژمێ 117 ملیۆن و 974 هزار و 529 لیترێن بەنزینێ بۆ هەرێما کوردستانێ هاتین هنارتن و ب ڤی ره‌نگی ل سەر پارێزگه‌هێن هەرێما کوردستانێ هاتینه‌ دابەش کرن:

– پارێزگه‌ها سلێمانیێ و ھەلەبجە: 50,404,375 لیتر

– پارێزگه‌ها ھەولێرێ: 41,721,407 لیتر

– پارێزگه‌ها دھۆکێ: 25,848,747 لیتر