ئۆکرانییا دووماهی ئامارێن شەری بەلاڤکرن

وه‌لاتێ ئۆکرانییا دووماهی ئامارێن شەرێ دناڤبەرا وی وه‌لاتی و رووسییا دا بەلاڤکرن .
وەزارەتا بەرگرییا ئۆکرانییا دیار كر: ژ ئه‌نجامێ وی شه‌رێ دناڤبەرا رووسییا و وه‌لاتێ وان دا” هه‌ر ژ رۆژا ٢٤ ی ھەیڤا شواتێ ھەتا نوکە” ئه‌و شییاینە ٢٦ ھزار و ٣٥٠ سەربازێن رووسیا ب کوژن.

هه‌روه‌سا گۆتییه‌: ئه‌و شییاینە ھزار و ١٨٧ تانک و دو ھزار و ٨٥٦ زریپۆش و ١٨٥ ترۆمبێلێن موشەکھاڤێژ و ٥٢٨ تۆپھاڤێژێن رووسی ژناڤ ببه‌ن.

وه‌زاره‌تا به‌رگرییا ئۆکرانییا ئاشکرا کرییه‌ ژی: هه‌تا نوكه‌ ئه‌و شییاینە ٨٧ سیستەمێن دژی فرۆکان و ھزار و ٩٩٧ ترۆمبێلێن سەربازی و ٣٩٠ فرۆکێن بێفرۆکەڤان و ١٦٠ ھەلیکۆپتەران ژی ژنا ڤ ببه‌ن.