وهزارهتا ئهوقاف و كاروبارێن ئایینی راگەهاند، وهزیرێ ئهوقافێ و سهرۆكێ ئێکەتیا زانایێن ئایینێ ئیسلامێ ل ریازا پایتهختی سعوودیه نە بۆ پشکداریکرنێ د کوربەندەکێ جیهانی دا.
وهزارهتائەوقاف و کاروبارێن ئایینی راگەهاند، د. پشتیوان سادق، وهزیرێ ئهوقافێ و د. عهبدوڵڵا سهعید وهیسی، سهرۆكێ ئێکەتیا زانایێن ئایینێ ئیسلامێ ل ریازا پایتەختێ سعودیە پشکداری د کوربەندێ جیهانی یێ ( ملتقی القیم المشترکە بین اتباع الادیان) دا کر.
وەزارەتا ئەوقافێ دیارکر، ئەو کوربەندە ژ لایێ رابیتا جیهانی یا ئیسلامی ڤە و ب پشکداریا ژمارەکا دیار یا وەلاتان و رێکخراوان هاتیە رێخستن، دیارکریە، ئارمانجا سەرەکی ژ کوربەندی نێرینا شارستانیەت و بەلاڤکرنا بەهایێن خزمەتێ یە ژ بۆ مرۆڤایەتیێ.
هەر وەسا د راگەهاندنا وەزارەتا ئەوقافێ دا هاتیە، د کوربەندی دا وەزیرێ ئەوقاف و کاروبارێن ئایینی گوتارەک پێشکێشکر و سلاڤێن حکومەتا هەرێما کوردستانێ گەهاندنە حکومەت و خەلکێ وەلاتێ سعودیە و ئامادەبوویان.
وەزارەتا ئەوقافێ د کوربەندی دا روناهی ئێخستە سەر دیروکا کەڤن یا پێکڤە ژیانا ئایینی و نەتەوەی ل هەرێما کوردستانێ و ئەو ژینگەها بەرچاڤ یا هەرێمێ کو بویە جهێ ڤە حەواندنا چەندین نەتەوەیێن جودا.
وەزارەتا ئەوقاف و کاروبارێن ئایینی ئاماژە ب رۆلێ کارا و پلان و سیاسەتا حکومەتا هەرێما کوردستانێ کر و ئاشکرا کر، ل هەرێما کوردستانێ ماف و دەستنیشانکرنا ئەرکێ هەمی لایان ل گۆرەی یاسایێ هاتینە رێکخستن، ئەڤەژی بویە بنچینەیێ دروستبوونا پێکڤە ژیانا هەمی لایان.
د گوتارەکا دی دا وەزیرێ ئەوقاف وکاروبارێن ئاینی ئاماژە ب ژمارا زێدە یا نەتەوێن جێواز کر کو ژ ئەگەرێ نە سەقامگیریا دەڤەرێن وان بەرەڤ هەرێما کوردستانێ هاتینە و قەستا ژیانەکا ئارام کرینە.
