ئه‌ڤرۆ رۆژا پێنج شه‌مبى ( 12/5/2022 ) ب هه‌لكه‌فتا 29ه‌مین سالڤه‌گه‌را دامه‌زراندنا بنگه‌هێ لالش یێ ره‌وشه‌نبیرى په‌یامه‌كا پیرۆزباهییێ ئاراسته‌ى ده‌سته‌یا بلند یا بنگه‌هێ لالش كر.
ده‌قێ په‌یاما سه‌رۆك بارزانى:
بناڤێ خودێ مەزن و دلۆڤان
رێزداران دەستەیا بلند یا بنگەهێ لالش یێ رەوشەنبیری
ب هەلکەفتا بیست و نەھ سالیا دامەزراندنا بنگەهێ لالش، پیرۆزباهیێن خۆه ئاراستەی ھەوەیێن بەرێز و ئەندام و کادرێن بنگەهێ لالش و هەموو خوشك و برایێن ئێزدی دکەم. سوپاسیا بنگەهێ لالش دكەم كۆ هەر ژ دەستپێكا دامەزراندنا ڤی بنگەھی هەتا نوكە، به‌رده‌وام د خزمەتا كه‌لتوورێ گەلێ كوردستانێ و پاراستن و پێشڤەبرنا رەوشا كولتووری و نەریتێن جڤاكا ئێزدی بوویە.
هیڤیدارم بەردەوام د گەشەکرن و پێشکەفتنێ دا بن و ئارامی و خۆشییێ بۆ هەموو خوشك و برایێن ئێزدی دخوازم و هەر سەرکەفتی بن.
بمینن دخێر و خۆشیاندا
مه‌سعود بارزانی
12ى ئه‌یارا 2022
