سه‌رۆكێ حكومه‌تا هه‌رێما كوردستانێ پێشوازى ل بالیۆزێ سویسرا ل عیراق و ئوردنێ كر

ئه‌ڤرۆ سێشه‌مبى 17گۆلانا  2022ێ، سه‌رۆكێ حكومه‌تا هه‌رێما كوردستانێ مه‌سرور بارزانى پێشوازى ل بالیۆزێ سویسرا ل عیراق و ئوردنێ لوكاس گه‌سه‌ر كر، كو ب هه‌لكه‌فتا ب داوى هاتنا ئه‌ركێن وى ل ڤان وه‌لاتان سه‌ره‌دانا سه‌رۆكێ حكومه‌تا هه‌رێمێ كربوو.

د دیداره‌كێ دا دانوستاندن لدۆر ره‌وشا گشتى یا عیراقێ و بزاڤێن پێكئینانا حكومه‌تا نوو و پێشڤه‌برنا په‌یوه‌ندیێن دناڤبه‌را هه‌رێما كوردستانێ و وه‌لاتێ سویسرا هاتنه ‌كرن.

سه‌رۆكێ حكومه‌تێ سوپاسییا بالیۆزێ سویسرا كر، بۆ بزاڤ و کارێن وى ژ پێخه‌مه‌ت بپێشخستنا پەیوەندیێن وه‌لاتێ وى ل گەل عێراق و هەرێما کوردستانێ، هیڤییا سەرکەفتنێ دئەرکێن وى یێن داهاتیدا بۆ خواست.