ئێكه‌م حاله‌تێ نه‌خۆشییا خۆریانا مه‌یمینكان ل ئیمارات هاته‌ تۆماركرن

سێ وه‌لاتێن دى حاله‌تێن توشبوون ب نه‌خۆشییا خۆریانا مه‌یمینكان تۆماركرن و ئیمارات ژى بۆ ئێكه‌م وه‌لاتێ كه‌نداڤى ئه‌ڤ نه‌خۆشییه‌ لێ په‌یداببیت.
به‌رپرسێن ساخله‌میێ یێن دوبه‌ى ژى راگه‌هاند، ئه‌و كه‌سێ توشبووى گه‌شتیاره‌ و به‌رى چه‌ند رۆژان سه‌ره‌دانا رۆژئاڤایێ ئه‌فریقیا كربوو و نوكه‌ وه‌ك ئێكه‌م حاله‌تێ توشبوونێ ل ئیمارات هاته‌ تۆماركرن، لێ چاره‌سه‌ریا نوژدارى وه‌ردگریت و ره‌وشا وى یا باشه‌.

دهێته‌ زانین كو رۆژا سێ شه‌مبى كۆمارا چیك و سلۆڤینیا ژى په‌یدابوونا ئێكه‌م حاله‌تێن توشبوون ب وێ نه‌خۆشییێ ل وه‌لاتێن خۆه‌ راگه‌هاندن.
هه‌تا نوكه‌ ل 18 وه‌لاتێن ئورۆپا و ئوسترالیا و ئه‌مریكا ئه‌ڤ نه‌خۆشییا ڤایروسی به‌لاڤبوویه‌ ودهێته‌ پێشبینیكرن هه‌ژمارا توشبوویان زێده‌تر لێ بهێت.