ب ئارمانجا گەنگەشەکرنا رولێ سوشیال میدیایێ و بکارئینانەکا کاریگەر، نڤێسینگەها رهوشەنبیر و راگەهاندنا لقا 18ه (پ.د.ک) ب هەماههنگی دگەل ئاژانسا خانی و ب پشکدارییا چەند بسپوران، دیدارەک ل هولا بارەگای لقێ 18ه ئهڤرۆ دووشەمبی 30ى گولانا 2022ێ رێكخست.
ل دەستپێکێ کارگێرێ لقێ و بەرپرسێ نڤێسینگەها روشەنبری و راگەهاندنێ عەونی ئەرتیسی، دپەیڤەکێ دا ب نوونەراتییا بەرپرسێ لقێ بخێرهاتنا ئامادەبوویان کر و تیشک خستە سەر ئەگەرێن رێکخستنا دیدارێ و ب کورتی باس ل پشک و کار و چالاکیێن نڤێسینگەهێ و دید و پەیامێن پێشڤەبرنێ کر و سوپاسیا ئامادەبویان کر.
ل دووڤدا ماموستایێن زانکویێ و بسپورێن ڤی بیاڤی د. رێبر فهتاح، قوتابییێ دکتورایێ رەوان سبحى و میدیاکار وچالاکڤان کاوار حمید باڤی ب درێژاهی باس ل جورێن میدیایێ ب گشتی و سوشیال میدیایێ بتایبەتی کر، جوداهی دیارکرن و چەوانیا سەردەرییێ دگەل راگەهاندنا هەڤچەرخ و مفا ژێ وەرگرتن و ئاستەنگ و دەرفەت و تێگەهێن جودا و ئەرێنی و نەرێنیێن سوشیال میدیایێ روونکرن و باس ل میکانزمێن تایبەت بۆ بکارئینانەکا سەرکەفتی هاتە کرن.
میدیاکارێن لقێ و هەر هەشت لیژنەیێن ناوچەیان ب دانوستاندن و گەنگەشەیێن رژد و هویر دگەل بەرێزان بابەت پتر دا روونکرن و ل داوییێ هەڤرایی ل سەر هند بریار و رێنما و رێکاران هاتەکرن.
