مەسرور بارزانی ل گەل بافل تالەبانی ب ئامادەبوونا قوباد تالەبانی ده‌ربارەیی پەیوەندیێن ئێكه‌تییێ و حکومەتا هەرێما کوردستانێ کۆمبوون.
ئەڤرۆ شەمبییێ 11ی خزیرانا 2022 ێ، مەسرور بارزانی سەرۆکێ حکومەتا هەرێما کوردستانێ، ب ئامادەبوونا قوباد تاڵەبانی جێگرێ سەرۆکێ حکومەتێ، پێشوازی ل شانده‌كێ بلند یێ ئێكه‌تی نیشتمانی کوردستان ب سەرۆکاتییا بافل جەڵال تاڵەبانی سەرۆکێ ئێكه‌تییا نیشتمانیی کوردستان کر.
د وێ کۆمبوونێ دا دووپاتی ل گرنگییا پالپشتی و پشتگیریکرنا حکومەتا هەرێما کوردستانێ و کارناما چاکسازییێ هاته کرن ب ئاراسه‌یا پتر خزمەتکرنا وه‌لاتییان و د وێ کۆمبوونێدا چارەسەرکرنا وان ئاریشێن پێدڤی ب چارەسەریێ هه‌نه، هاته به‌حس كرن.
سەرۆکێ حکومەتێ گۆت: حکومەتا هەرێمێ، کارنامەكا چاکسازییێ یا هه‌ڤپشك هەیە کو یا هەموو لایەنێن پشكداره د حکومەتێ دا و پێدڤییە وەک ئێک تیم، ب هاریکاری و پشته‌ڤانییا هەموو لایەنێن کوردستانی، کاری ژ پێخه‌مه‌ت جێبەجێکرنا وێ کارنامێ و خزمەتکرنا وه‌لاتییان ل سەرانسەری هەرێما کوردستانێ بکەن.
