بەرپرسەکێ سەربازی: بابێ گونەھبارێ ئەڤرۆ چو پلێن سەربازی نینن

ئاژانسا خانی ” تایبەت:

پشتی روودانا ئەڤرۆ یا ل باژێرێ ھەولێرێ و کوشتنا د. کاوان گەردی راگرێ کۆلیژنا قانوونێ و مامۆستایەکێ زانکۆیا ئەندازیاری” وەسا ھاتییە بەلاڤکرن كو ئه‌و تۆمەتباره‌ کوڕێ بەرپرسەکێ سەربازیێ پارتییە ژێدەرەکی رەتکر بابێ گونەھباری چو پلێن سەربازی ھەبن.

ژێدەرەکی ژ فەرماندا بارزان بۆ ئاژانسا خانی دیار کر” ل ھژمارەکا دەزگەھێن راگەھاندنێ و تۆڕێن جڤاکی وەسا ھاتییە بەلاڤکرن بابێ وی قوتابییێ ئەڤرۆ تاوانەک ل ھەولێرێ ئەنجامدایی کو تێدا، دو مامۆستایێن زانکۆیێ ھاتینە کوشتن فەرماندەیە ل فەرماندەیا بارزان و بابێ گونەھباری پلێن سەربازی ھەنە.

وی ژێدەری گۆت ژی” ھەموو لایەکی پشتڕاست دکەین بابێ گونەھباری چو پلە و پۆستێن سەربازی نینن و ل فەرماندا بارزان ژی کەسەک ب وی ناڤی نینە كو پلە و پۆست ھەبن، لەوما ئەم ھەموو وەلاتییان ئاگەھدار دکەین” كو ناڤ ئینانا فەرماندا بارزان ب ئەنقەست بوویە.