مه‌لا شڤان حه‌موودى گۆتاربێژێ ئێك ژ مزگه‌فتین باژێرێ دهۆكێ ژ گۆتاربێژییێ هاته راوه‌ستاندن، وى ئه‌ڤرۆ گۆتارا ئه‌ینییێ نه‌خاند، ئه‌و ژى ب رێكا ئاژانسا خانى روهنكرنه‌كێ دده‌ت
مه‌لا شڤان حه‌موودى د لێدوانه‌كێدا بۆ ئاژانسا خانى راگه‌هاند، دوهى ژ لایێ رێڤه‌به‌رێ ئه‌وقافا دهۆكێڤه هاتییه گازیكرن و نیزێكى ده‌مژمێره‌كێ وان دانوستاندن ل سه‌ر كۆمه‌كا بابه‌تان كریه كو وی پێشتر د گۆتارێن خوه‌یێن ئه‌ینییاندا یێن باسكربوون.
ل دۆر بابه‌تێ دانوستاندنێن وان مه‌لا شڤانى گۆت، ئه‌و ل سه‌ر گه‌له‌ك بابه‌تان یێن ئاخڤتین، وه‌كو یا دیار ئه‌وقافێ تێبینى ل سه‌ر هنده‌ك گۆتارێن من هه‌بووینه.
گۆت ژى، هه‌ر د وێ ره‌وونشتنێدا ئه‌و ژلایێ مه‌لا رێبه‌ر نێروه‌یی، رێڤه‌به‌رێ ئه‌وقافا دهۆكێڤه هاته ئاگه‌هداركرن كو دێ بۆ ده‌مه‌كێ ژ گۆتاربێژییێ هێـته راوه‌ستاندن، نه‌ك ب ئێكجارێ هاتییه دورخستن، ده‌مێ راوه‌ستاندنا وى دیارنینه كه‌نگییه.
گۆت ژى، هیچ نڤیساره‌كا فه‌رمى نه‌گه‌هشتییه وى ل دۆر راوه‌ستاندنا وى، لێ رێڤه‌به‌رێ ئه‌وقافێ ب شێوازێ زارده‌ڤى گۆتییه وى، وان بریاردایه بۆ ده‌مه‌كێ ئه‌وی ژ خوتبه خاندنێ راوه‌ستینن،
