یانا شێلادزێ دێ هه‌ڤبه‌سته‌كێ ل گه‌ل راهێنه‌ره‌كێ ئیرانى ئه‌نجام ده‌ت

ئاژانسا خانى:

ب مه‌ره‌ما پێشڤه‌برنا ئاستێ وه‌رزشى ل یانا شێلادزێ یا وه‌رزشى، بریاره‌ ئه‌ڤرۆ یانا ناڤبرى هه‌ڤبه‌سته‌كێ ل گه‌ل راهێنه‌ره‌كى ئیرانى ئه‌نجام بده‌ت.

سه‌ردار خانمیر، جێگرێ سه‌رۆكێ یانا شێلادزێ یا وه‌رزشى بۆ ئاژانسا خانى گۆت، ب مه‌ره‌ما پێشڤه‌برنا ئاستێ یاریزانێن یانا شێلادزێ یا وه‌رزشى، ئه‌ڤرۆ د رێورسمه‌كێ دا دێ هه‌ڤبه‌سته‌كێ ل گه‌ل راهێنه‌ره‌كێ نوو ئه‌نجام ده‌ین.

زێده‌تر گۆت، ئه‌و راهێنه‌ره‌ بناڤێ رەسول مەمی پور کو خه‌لكێ ئیرانێ یه‌، رۆله‌كێ باش هه‌یه‌ و خودان چه‌ندین ناسناڤه‌ و ل چه‌ند یانان” وه‌كو راهێنه‌ر كار كرییه‌، هیڤیدارین ئه‌ڤ چه‌نده‌ ببیته‌ ئه‌گه‌ر كو ئاستێ یانا شێلادزێ به‌ره‌ف باشتر ڤه‌ بچیت.

یانا شێلادزێ ئه‌ڤ ساله‌ د خولا پله‌ دو یا كوردستانێ دا یاری دكر، به‌لێ نه‌شیا به‌رده‌وامیێ بده‌ته‌ هه‌ڤركیێن ده‌ربازبوونێ بۆ خولا پله‌ ئێك.