به‌غدا: توركییا سۆزدایه‌ رێژا به‌ردانا ئاڤێ بۆ عیراقێ زێده‌ بكه‌ت

وه‌زاره‌تا ژێده‌رێن ئاڤا عیراقێ دیار كر: توركییا سۆزدایه‌ رێژا به‌ردانا ئاڤی بێ عیراقێ زیده‌ بكه‌ت.

عه‌لى رازى په‌یڤدا‌رێ وه‌زاره‌تا ژێده‌رێن ئاڤا عیراقێ راگه‌هاند: ئه‌ڤرۆ شه‌مبییێ هه‌ر ئێك ژ مه‌هدى ره‌شید حه‌مدانى وه‌زیرێ ژێده‌رێن ئاڤا عیراقێ وفه‌یسه‌ل ئوراغلۆ هنارتیێی تایبه‌ت یێ سه‌رۆك كۆماری توركییا بۆ كاروبارێن ئاڤێ ب رێیا ئه‌نترنێتی دانوستاندن سه‌باره‌ت پرسا ئاڤ و رووبارێن هه‌ڤپشك یێن دناڤبه‌را واندا كر ییه‌.

 د وێ دیدارێ دا رێژا ئاڤا دیجله‌ و فوراتی بۆ عیراقێ هاته گه‌نگه‌شه‌‌ كرن و ژلایێ عیراقێ ڤه‌ گرنگییا به‌رده‌وامبوونا دانوستاندنان دیار كر و ژ ئه‌گه‌رێ خرابییا ره‌وشا عیراقێ وهشكبوونا رووبارێن وێ” توركییا سۆز دا برێیا دیجله‌ و فوراتی رێژا به‌ردانا ئاڤی زێده ‌بكه‌ت.

درێژاهییا رووبارێ دیجله‌یی 1850 كێلومه‌تره‌ و یا فوراتى سێ هزار  كیلومه‌تره‌ ” هه‌ردو رووبار ل باشورێ روژهه‌لاتێ توركیا دزێن  و دناڤ سوریا وعیراقێ دا ده‌رباز دبن و ل شه‌تولعه‌ره‌ب دگه‌هنه‌ ئێك.