سەرۆك وەزیرێن عیراقێ د چارچوڤێ پێشكێشكرنا گۆتارەكێ ل گۆپیتكا جەددە ل سعوودییە راگەهاند، وەلاتێ وی ب هاریكارییا وەلاتێن جیران و هەڤپەیمانان، شەرێ تیرۆرێ كر و شیان ب سەر رێكخراوا تیروریستییا داعشدا سەربكەڤن.
مستەفا كازمی، دیار كر ژی، رێیەكا دی هاتییە بەر سینگێ وان ئەو ژی درێژبوونا رهێن تیرۆرێیە ل دەڤەرێ، بۆ ئەڤێ چەندێ ژی پێدڤییە ل سەر ئاستێ ناڤخۆیی، دەڤەرێ و نێڤدەولەتی هاریكارییا عیراقێ بهێتە كرن، ژبۆ دانانا ستراتیژییەكا گشتگیر بۆ هشككرنا ژێدەرێن تیرۆرێ، ئەڤەژی دێ ب رێیا هاریكاریێن هەڤپشك هێتە كرن.
ناڤهاتی گوت ژی، مەترسی و كارتێكرنێن شەرێ ئۆكرانییا بووینە ئەگەر قەیرانا خوارنێ ل هەموو جیهانێ رووبدەت و داخواز كر چارەسەرییەكا بلەز و گونجایی بۆ بهێتە دیتن، هەروەسا ل رۆژهەلاتا ناڤین ژی كارتێكرنەكا زۆر یا وی شەرێ ل سەر هەیە.
