کۆمپانیا دیلۆیت راپۆرتا کەرتێ نەفت و گازا هەرێما کوردستانێ بۆ چارێكا ئێكێ یا ئه‌ڤ ساله‌ به‌لاڤكر

كۆمپانیا دیلۆیت راپۆرتا خۆ ده‌رباره‌یی هووربینییا كەرتێ نەفت و گازا ھەرێمێ بۆ چارێكا ئێكێ یا 2022 ێ به‌لاڤكرییه‌‌، هه‌رێما كوردستانێ د ده‌مێ‌ 3 مه‌هان دا نێزیكی 36.5 ملیۆن به‌رمیلێن نه‌فتا خاڤ ب رێیا بوریان ره‌وانه‌یی بازارێن‌ جیهانی كرینه‌” هه‌روه‌سا فرۆشتنا نه‌فتێ بۆ پارزینگه‌هان 284 هزار و 436 به‌رمیل بووینه‌ و سه‌رجه‌مێ هنارتنێ و ب كاربردنێ 39 ملیۆن و 88 هزار و 710 به‌رمیل بووینه‌.

ئه‌و ژی گۆتییه‌:  34 ملیۆن و 923 هزار و 168 به‌رمیلێن نه‌فتا خاڤ ‌بۆ كڕیاران هاتییه‌ ڤه‌گوهاستن، تێكرایا بهایێ ب ده‌ستڤائینانێ بۆ هه‌ر به‌رمیله‌كێ نه‌فتا هاتییه‌ فرۆشتن 86.730 دۆلار بووینه‌.

هه‌روه‌سا حكومه‌تا هه‌رێما كوردستانێ، 125 ملیۆن دۆلار قه‌رێن هه‌ردو کۆمپانیێن وزا توركی (TEC) و کۆمپانیا پێترۆلی تورکی یا نێڤدەوڵەتی (TPIC)  داینه‌.

پارێ كاش یێ هاتییه‌ وه‌رگرتن ژ لایێ حکومەتا هەرێما کوردستانێ ڤه‌ د ده‌مێ فرۆشتنا نەفتێ و چالاكیێن پەیوەندیدار دا ملیاره‌ك و 343 ملیۆن و 481 هزار و 232 دۆلارێن ئه‌مریكی بووینه‌ د ماوێ وان سێ مه‌هان ‌دا.