سه‌رۆك وه‌زیرێن عیراقێ مسته‌فا كازمى داخواز ژ له‌شكه‌رێ وه‌لاتێ خوه‌كر، دڤێ قۆناغێ دا گرنگرییێ ب زانیارییێن هه‌والگێرییێ بده‌ن و ئاستێ راهێنانێن له‌شكه‌رى ژى بلند بكه‌ن، و بۆ هه‌ر ده‌ست درێژییه‌كا ل سه‌ر ئه‌ردێ عیراقێ دهێته‌كرن دئاماده‌باشییێ دا بن.
نڤێسینگه‌ها راگه‌هاندنا سه‌رۆك وه‌زیرێن عیراقێ دراگه‌هاندنه‌كێ دا دیاركر، سه‌رۆك وه‌زیرێن عیراقێ و فه‌رماندێ گشتى یێ هێزێن چه‌كدار سه‌رپه‌رشتییا كۆمبوونه‌كێ دگه‌ل سه‌ركردێن ئێمناهى و له‌شكه‌رى یێن وه‌زاره‌تا به‌رگرییێ كر.
دكۆمبوونێ دا كازمى ئاماژه ب رۆلێ له‌شكه‌رێ عیراقێ دا و دیاركر، هه‌ر ل ده‌ستپێكا دامه‌زراندنا كابینه‌یا خوه پشته‌ڤانییا له‌شكه‌ری بۆ دامه‌زراندنا داموده‌زگه‌هێن له‌شكه‌رى یێن موكوم كرییه داكو ب رێكا وان سنوورێن خوه و وه‌لاتییان ب پارێزن.
هه‌روه‌سا دراگه‌هاندنێ دا دووپاتى ل ئیدانه‌كرنا هێرشا دووهى یا ئیداره‌یا سه‌ربه‌خۆ یا زاخۆ هاته‌كرن، و كازمه دوووپاتى ل راهێنانێن له‌شكه‌رى و دابینكرنا هه‌موو پێدڤییان كر داكو بۆ هه‌ر ده‌ست درێژی و رووبرووبوونه‌كێ دبه‌رهه‌ڤبن.
