حكومه‌تا رووسیا راگه‌هاند، پرۆژه بریاره‌ك هاتییه ئاماده‌كرن كۆ تێدا پێنج وه‌لاتێن دى بۆ ناڤ لیستا وه‌لاتێن دۆژمنێن رووسیا دێ هێنه زێده‌كرن.
ده‌زگه‌هێ راگه‌هاندنا جڤاتا وه‌زیرێن رووسیا راگه‌هاند، پرۆژه بریاره‌ك ژلایێ حكومه‌تا وى وه‌لاتى ڤه هاتییه ئاماده‌كرن كۆ هه‌ر ئێك ژ وه‌لاتێن یونان و دانیمارك و سلۆڤینیا و كرواتیا و سلۆڤاكیا بۆ ناڤ لیستا وه‌لاتێن دۆژمنێن رووسیا بهێنه زێده‌كرن.
دیار ژى كرییه، هه‌رچه‌نده هه‌تا نوكه ئه‌و لیسته ژلایێ حكومه‌تێ ڤه نه‌هاتییه په‌سه‌ندكرن، لێ ب به‌رچاڤگرتنا دۆژمنایه‌تییا وه‌لاتێن بیانى كۆ ل دژى نوینه‌رێن رووسیا ل وه‌لاتێن وان دهێته‌كرن، دبیت چه‌ندین وه‌لاتێن دى ژى ل سه‌ر وێ لیستێ بهێنه زێده‌كرن.
