هنارتنا نه‌فتا عیراق و سعوودییێ بۆ ئورۆپا زێده‌بوویه‌

ئاژانسا بلۆمبێرگ راگه‌هاند، ل ده‌ستپێكا ڤێ هه‌یڤێ عیراق و سعوودییێ رۆژانه‌ ئێك ملیۆن به‌رمیلێن نه‌فتێ هنارتینه‌ ئورۆپا.

ل دووڤ راپۆرتا ئاژانسا بلۆمبێرگ، عیراق و سعوودییێ ئاستێ هنارتنا نه‌فتێ بو ئورۆپا ب رێژه‌یه‌كا به‌رچاڤ بلندكرییه‌، و دسێ حه‌فتییێن ده‌ستپێكێ یێن ڤێ هه‌یڤێ دا بۆ دابینكرنا پێدڤییێن ئورۆپا، رۆژانه‌ ئێك ملیۆن به‌رمیلێن نه‌فتێ هنارتینه‌ ئورۆپا.

ئاماژه‌ ب وێ چه‌ندێ ژى دا، ل ڤێ هه‌یڤێ ب رێكا كه‌نالێ به‌نداڤا عه‌ره‌بى رۆژانه‌ دوو ملیۆن و 200 هزار به‌رمیلێن نه‌فتێ كو به‌هرا پترا وان یێن عیراقێ نه‌ بۆ ئورۆپا هاتینه‌ هنارتن، و ئه‌ڤ رێژه‌یه‌ به‌رامبه‌ر سالا بوورى، 90% زێده‌بوویه‌.