بریكارێ وهزارهتا پێشمهرگهیى پێشوازى ل وى پێشمهرگێ كاكهیی كر ئهوێ گرۆپهكێ حهشدا شهعبى بێرێزى ل بهرامبهركرى و ب تووندى ئیدانهیا وى ههلۆیستێ كرێتێ گرۆپێ حهشدا شهعبى كر.
وهزارهتا پێشمهرگهیی د مالپهرێ خوه یێ فهیسبوكى دا راگههاندیه، سهربهست لهزگین، بریكارێ وهزارهتا پێشمهرگهى ئهڤرۆ 25ى تیرمهها 2022 ێ، پێشوازى ل ( ئهیمهن عهبد جاسم كاكهیى) پێشمهرگێ لیوایا (9) یا پیادهیا وهزارهتا پێشمهرگهیى و شاندێ دگهل دا كر.
د دیدارهكێ دا، بریكارێ وهزارهتا پێشمهرگهى ئیدانهیا ههلویستێ كرێتێ گرۆپهكێ چهكدار كر كو بێرێزى ب پێشمهرگهیى و پیرۆزی یێن كاكهیان كربوو، دگهل دهربڕینا ههڤسۆزییا وهزهراتا پێشمهرگهیى ل گهل كاكهیان و بنهمال و كهسوكارێن وى پێشمهرگهیى، بریكارێ وهزارهتا ناڤبرى راگههاند، وهزارهتا پێشمهرگهیى دێ ههموو بزاڤان كهت بۆ سزادانا وان كهسێن ئهڤ كاره كرى، دووپاتى ل پشتهڤانییا وهزارهتا پیشمهرگهیی كر.
ههر د وێ دیدارێدا، بریكارێ وهزارهتا پێشمهرگهیى ئاشكرا كر، كوردستان و عیراق، ب ههموو جیاوازی یێن خوه ڤه دڤێت رێزێ ل بیروباوهر و پیرۆزیێن ئێكودۆ و بگرن، ل سهر سازیێن ئێمناهییێ ژى یا پێدڤییه كو ئێكرێزى و ئاشتی و پێكڤه ژیانا ل پارێزگههان ب پارێزن.
ژ لایێ خوه ڤه كاكهیان سوپاسییا بریكارێ وهزارهتێ و وهزارهتا پێشمهرگهیی كر و داخوازا كر ب رێكێن قانوونى تاوانبار بگههنه سزایێ خوه.
